more from
Ván Records
We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

D​ö​nsum Í Logans Lj​ó​ma

by Forsmán

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.
    Purchasable with gift card

      €1 EUR  or more

     

1.
Falsgoð 05:21
Farandmenn og úrhrök afglapa. Heyr mína heiftar bæn á vesöld vorri, við afnám falsgoða. Rís upp úr skúmaskotum martraða. Böðumst í ösku englanna og ristum rún í rætur helgidóms. Látum bálið helgiritin hirða. Leggjum bænhús auðtrúa í rúst. Herjum böðlum sannleiks vors á spámenn svika og brosum er þeir hanga á gálgum spillingar og girndar. Í dýpstu hornum svívirðingar leynast afskræmi og ókindir, sem predika í skinhelgi og nærast á þján. Þau nýta trúgirni og örvæntingu afvegaleiddra og langveikra og spýja lygum falsgoða yfir lönd vor og höf. Flón, fífl, dárar. Þeir sem kjósa að lifa í blekkingum, munu aldrei ljósið sjá. Þeir ráfa í blindni um tóma tilveru og hirðum fylgja án vafa. Byggja allar sínar vonir á æðri mætti uppgerðar. Fölsk boðorð skulu lögð í glötun. Látum bálið helgiritin hirða. Leggjum bænhús auðtrúa í rúst. Herjum böðlum sannleiks vors á spámenn svika og brosum er þeir hanga á gálgum spillingar og girndar. Er illskan hefur yfirtekið jarðir vorar fagrar. Við heimsslit, leiðið oss til visnunar í dánarklæðum dáta. Því hvorki svipur, spjót né fráföll héldu fylkingum í skefjum. Við erum kindilberar aftrúar. Herjum skarpt til eilífðar. Við fjöldagrafir forfeðra, störum inn í svartnættið. Minnumst tíðar fyrir endalok, er allt í lyndi lék og blómstraði. En álög afskræma hjarðir þjáðra andsettu án iðrunar. Allt í eyðingu sinni brenndu til ösku. Örkum til falls. En brotum skal gjalda og vámenni þjást. Djáknana limlestum, af brýnni ást. Við heimsslit, leiðið oss til visnunar með kyrrð og nægð í hjörtum. Við erum kindilberar aftrúar. Herjum skarpt til eilífðar.
2.
Heilaþvottur kynslóða boðar aldir vanvita. Undirokun hugsjóna. Ættvíg einvaldsdrottnanna. Hvers má gjalda og hvert skal haldið, er veraldarsýnir molnað hafa? Ég slétturnar ráfaði enda til. Í moldþokum þreifaði, en engan árangur þær báru. Gjóturnar reyndust mér einskis virði. Í glundroða vantrú og vafi mér birtust, fornar víddir opnuðust og afhjúpuðu rangsýnir manna. Hvers má gjalda og hvert skal haldið, er veraldarsýnir að kolum komnar eru? Svartnættin hýsa hulna gimsteina. Ragir munu aldrei njóta dýrð þeirra. Ýlfrandi tómið kallar til þeirra sem sáluhliðin þrá. Í sorgarsorta hýrast, þar sem ljós hvergi sjá. Píslarvottar maðkanna svífa enn í óvissu, milli eilífðar og einskis. Dragast í greipar dulúðar. Hverfa í svarthol hugskota. Ævum eytt í leit að glötuðum fjörum. Sandar þeirra leyna ritum, sem opna gættir vitrunar. Eitt gullið sandkorn yrði leitar virði. Í fjarlægum höfum er ef til vill lykla að finna, sem nekja myndu alheima þakta sýru og hrafntinnu. Fædda í rústum stórvelda. Sveimandi blint í afdrepum veralda. Snerting sótta yrði þeirra endir. Og loks lyki því vanvita einveldi.
3.
Vonarglæta 05:43
Við endalok, í andstyggð, við að hyldýpinu herjum. Við alsnauð syrgjum spámenn forna, fagnaðar og náðar. Við boðberanna bálför, minnumst flóna glætu fjarri. Í heiftarhug við fjötrum bölvum, reistum í kvöl og losta. Í óreiðunni erfitt reyndist þrautina að þreyta. Í örvæntingu til óbyggðanna héldum, í helför uppljómunar. Í hrakviðri og stormum, barst hún útvöldum svo örlát. Með forsmán loginn dofnaði. Í hylinn sökkvum, eilífðin opnast ört. Í heljargreipum fann ég þig svo skjannahvíta á hörund. Með augun skær og flöktandi, í faðm þinn féll með þökk. En formæli og fjendur vorir þig hirtu á brott í hlekkjum. Í vesæld örkum fjöll og dali þakta vonarekkjum. Erindrekar óttans, herjum inn í nóttina. Forsvaramönnum fortíðar drekkjum í höfum eilífðar og dönsum við eymdarsón. Í eyðingunni virtist það augljóst að flón myndu reisa hof á sandi. Sem hrynja skyldu ört við fyrstu andrá efa. Úr rústum risu erfðafjendur framtíðar. Í heljargreipum fann ég þig svo hrakta og að þrotum komna. Í skelfingu og berskjöldun í barm þinn felldi tár. Því manni flón í helför fleygðu í glötun við afnám kæti. Í örkumlum og vesæld, dofnar hinsta vonarglætan.
4.
Hamfarir 06:58
Kveljendur lambanna, í vesæld hýrumst. Á flótta frá misgjörðum við svífum. Segjum skilið við allt sem eitt sinn veitti dýrð, er tómleikar veralda hefja sína rýrð. Lostalíf vanvita þá leiddi til grafar. Til helreiðar girndanna þeir riðu án vafa. Græskulausar sálir kvöldu án griða í andspyrnunni gegn öflum friðar. Sorgir yfirtaka lönd og sæ, er við yrkjum okkar hinstu kvalarbæn. Drögumst fjendum fjær, við enda ótta. Svífum brott í forláta faðm banasótta, við falda tinda uppljómana. Leynast gættir griða og náða, huldar dárum frá. Lyklar grafnir í ösku dýrlinga. Hverfum inn í mistur eyðingar. Sem maðkar, við skríðum í faðm örlaga. Eitt sinn lömb, lepjandi vonir úr spenum vanhæfra drottnara. Með öldum, nafnlausar einingar ráfandi jarðir í von um að ljós veittu ásjá í eymd, en stjörnurnar sjá aldrei þá sem að huldir heimar hafna. Kveljendur lambanna, í vesæld hýrumst. Á flótta frá misgjörðum, við svífum. Segjum skilið við allt sem eitt sinn veitti dýrð, er tómleikar veralda hefja sína rýrð. Sorgir yfirtaka lönd og sæ, er við yrkjum okkar hinstu kvalarbæn. Drögumst fjendum fjær, við enda ótta. Svífum brott í forláta faðm banasótta. Skríðum til glataðra griðastaða. Nekjumst í refsileysi. Skríðum í doða til hinsta dvala. Fögnum í uppfuðrun. Er allar brýr að baki brenndar eru, finn mig við vörðurnar, sem hylja rætur heiftar vorrar. Sameinumst á mengaðri mold. Böðumst í hreinsunareldi og dönsum í logans ljóma. Svífum brott án ótta, inn í holskeflur hegninga. Leggjumst í mýri og fljótum til drauma í alsælu. Hugsum til engla sem veraldir gleymdu og grófu í eyðimörkum alda. Hinstu atreið lokið. Vottar iðrunar þvinga klóm í hug og hold. Er allir vegir leitt þig hafa í þokur, finn mig við enda alls og horfum er heimar falla. Böðumst í hreinsunareldi. Dönsum í logans ljóma. Leggjumst í mýri og fljótum til drauma í alsælu. Er allar brýr að baki brenndar eru, finn oss við griðar gættir. Herskáa, með bros á vör. Böðumst í hreinsunareldi og horfum er heimar fölna. Er sálnahirðar smala hinum nafnlausu og leiða til uppfuðrunar.

credits

released April 9, 2021

CREDITS

Upptökustjórn og hljóðvinnsla: Stephen Lockhart
Mynd á umslagi: Andrzej Masianis
Ljósmyndir: Void Revelations
Lógó og innsigli: View From The Coffin
Umbrot: Heresie Graphics Upptökur fóru fram í janúar, febrúar og maí MMXX í Studio Emissary. Tónlist og textar: Forsmán
Forsmán skipa: V. Bassi & söngur O. Gítar & söngur H. Gítar K. Slagverk & óhljóð Sérstakar þakkir: Andrea Magdalena Jónsdóttir, D.G., Einar Þór Sigurþórsson, HAM, Haraldur Ólafsson, H.G.G., Ísleifur Elí, Katrín Einarsdóttir, Róbert Þórhallsson, S. Björn Blöndal, Skaðvaldur, Sigurbjörg Gylfadóttir, Sirry Jónasdóttir, Stephen Lockhart, Sveinn Alexander Sveinsson, Sven Dinninghoff, T.Í., Valdimar Gunnarsson, Veigar Margeirsson, Þórir Garðarsson, Þráinn Árni Baldvinsson.

license

all rights reserved

tags

about

Forsmán Kópavogur, Iceland

contact / help

Contact Forsmán

Streaming and
Download help

Redeem code

Report this album or account

If you like Forsmán, you may also like: